Best Way to Write an Impressive Upwork Proposal (with Samples)

Upwork account bnany ke baad next step hota hai projects lena, aor aik achha proposal likhy beghair aisa mumkin hi nahi ke client aap ko project de dy. Kyu k Upwork freelancing keliye top platform maana jaata hai, is liye rozana hazaaro log aor companies is platform ko use karty hain. 2012-2013 tak freelancing itni ziada popular nahi thi jitni aaj hai, isliye tab competition ziada nahi hota tha. Lakin ab kyu k freelancing bhi ziada popular hogai hai to projects lene keliye bhi ab ziada mehnat ki zarurat hoti hai, aor us me sab se important hai aik achha proposal likhna.


Mukammal dhyaan se aor full-hearted try kareingy to ho sakta hai 10 proposals me se aap ko 4-5 mil jayein, lakin agar below-average type ke proposals bhejeingy to ho sakta hai 200 proposals bhejne ke baad bhi apko 1 project na mil sakay.

Segmentation of an Upwork Proposal

Kuchh log samjhty hain k Cover Letter hi bus proposal hota hai jo k kisi hadd to theek hai, lakin is Cover Letter walay page pe hi 2 aor bhi options aa rahay hoty hain, Additional Questions aor Sample Files upload karne wala option. Cover Letter ke sath sath yeh dono options bhi bohat important hoty hain, is liye hum ne in options ko bhi ignore nahi karna. So, in short, an Upwork Proposal consists of;

  • Cover Letter
  • Additional Questions
  • Relevant Files

In options ko ab hum baari baari dekh lete hain k best tarika kya hota hai inko address karne ka.

1) Things to do Before You Write a Cover Letter

Cover Letter likhny se pehle sab se zaruri kaam hai project ki description ko parhna. Aik beginner ko chahye k woh at least 3-4 baar project ki description ko lazmi parhy. Client ki need ko samjhna sab se pehla aor sab se important kaam hota hai. Baaz clients aisy hoty hain k woh sahi se bata nahi paa rahay hotay k unko exactly chahye kya, to is waja se bhi aap ko project description ghaur se parhni hoti hai k aap client ke maslay ko client se bhi behtr extract kar sakein.

Situation #1: Misaal ke tor aik client ne description me likha hua hai k uska shoes ka store hai, us ne website to banwa li hai, par woh website Google Search Results me nahi aa rahi.

Solution: Is situation me client ne apna masla bata diya hai. Ab is maslay ka solution apko pata hona chahye k yeh masla SEO se hal ho sakta hai, lehaza, jab aap cover letter likheingy to usay batayeingy k uske maslay ka hal SEO hai is se uski website Google Search me rank ho jayegi.

To is tarah se aap ko chahye ke client ke project ko achhi tarah se pehle parhein, us ke maslay ko pehle khud se samjhein k woh chah kya raha hai.

2) Things to Avoid while Writing Your Cover Letter

Aksar beginners Cover Letter likhty waqt maar khaa jaatay hain. Kaam unhein theek aata hai, required skills bhi hoti hain, lakin sahi se convey nahi kar patay apne Cover Letter mein. Kuchh common factors hain jinka khyaal tmaam beginners ko rakhna chahye.

Less-effective Factor #1: Apki history, qualification aor background jitna aapke liye ehm hai utna client keliye ehm nahi hai. Client ko apne problem ki solution se matlab hota ziada. Isliye apne Cover Letter ko craft karty waqt khud pe kam aor client pe ziada focus karein. Jahan zarurat ho, sirf wahan pe apni degree aor past experience ka reference dain bus.

Less-effective Factor #2: Apni dignity ka khyaal rakhein, minnatein tarlay karny ki bilkul bhi zarurat nahi. In the meanwhile, self-centered bhi mat hon, k aap se behtr yeh kaam koi kar hi nahi sakta give me one chance bla bla, aisy baton se client apko desperate samjhny lagta hai. Even hough aap beginner hain, phir bhi aap ne project lene keliye professional tone me baat karni hai.

Less-effective Factor #3: Unnecessary compliments se guraiz karein. Kuchh log client ki tareefein shuru kar dete hain like I saw your website, it is so good. Aisi bongiyaan mat marein, agar koi kuchh waqae tareef ke like ho to hi compliment dein, ghair-zaruri tor pe mat tareefein karne lag jayein.


3) Writing Your Cover Letter

Writing Style: Cover Letters ka writing style project to project vary karta hai. Misaal k tor pe agar koi aap ko web development keliye hire karna chahta hai to casual/conversational writing style bhi chal jaega, lakin agar aap ko koi Content Writing keliye apply karny walay ho to aap ko ziada careful ho k Cover Letter likhna chahye aor apne spellings, punctuations, grammar aor sentence structure ka khaas khyaal rakhein, takay client pe achha impact paray.

Length: Koshish karein k aap apna cover letter 2-3 paragraphs ke andar andar complete karlein, or simply within 400 words.

Opening Paragraph: Apne pehle paragraph ki pehli line me sirf apne experience aor qualification ka zikr karlein, uske baad sirf client ke maslay pe focus karein. Is baat ka bhi zikr karein k aap client ki need ko samjh chukay ho aor client ka kaam uski zarurat ke mutabiq kar sakty ho.

Ending Paragraph: Ending paragraph me client se 2-3 reasonable questions puchhein, kisi cheez ki detail maang lein, ya kuchh requirement puchh lein, project ke hawaly se, takay usay idea ho k aap ne waqae us ke problem ko dhyaan se analise kiya hai aor aap kaam ke banday ho.


Real Upwork Proposal Example #1:



Real Upwork Proposal Example #2:


The Magic of Additional Questions

Aksar beginners bus Cover Letter likh kar bhej dete hain aor  uske bilkul neechy jo Additional Questions ka box hota hai us ko wese hi empty chhor dete hain. Is box ko bhi use karna chahye aor additional questions puchhny chahye client se. Takay client ko yeh ta'asur jaye k aap bohat seriously le rahay hain is project ko.

Dusri baat yeh, jab aap proposal submit kar deingy to client ko  Additional Questions pehle show hongy aor aapka Cover Letter uske baad. Jis se is baat ka andza lagaya ja sakta hai k Upwork Additional Questions ko kitni ehmiyat deta hai.



Is ke sath sath, agar project is noiyat ka hai k aap se portolio ya samples require karta hai to proposal me attachments laazmi send karein.

In short: Proposal walay page pe mojood tmaam available options ka best usage hi aap ko project award karwa sakta hai. Half-hearted try karne se aap ko behtreen results kabhi bhi nahi mil sakty. Is liye Proposal walay page pe mojood Cover Letter ke ilawa baki options ko ehtyaat se use karein.

Pages